NÁPOLES

Nápoles é unha cidade mediterránea chea de vida. A impresión de suciedade e de destartalada que percibe o turista, está sobradamente compensada pola cantidade de destinos que lle ofrece a propia cidade. Imprescindible dar unha volta polo seu paseo marítimo, visitar o Museo Arqueolóxico, comer as súas pizas.

A visita ó Duomo é inescusable, como tamén as Galerías Umberto. Pasear pola rúa Toledo, por Tribunali, S. Paolo Maggiori, Piazza Gesú Nuovo. Visitar a igrexa de Santa Chiara e o seu magnífico claustro. Perderse pola Piazza Plebiscito… Tomar unha cervexa en Gambrino!!

Hai un bar pequeno, pero moi recomendable onde podemos comer comida italiana. É barato e a relación cualidade precio, totalmente recomendable: “Osteria della Mattonella” en Vía Giovanni Nicotera, 13. Tamén “don Salvatore” en Vía Mergellina nº 5, ó lado do porto. É algo máis caro pero non tanto, e de moi boa calidade. Outro sitio recomendado para comer: “Da Donato” en Vía San Cosmo fuori Porta Nolana 26/28, cerca da Piazza Giuseppe Garibaldi; unha degustación é boa idea. Xa vedes… a gastronomía forma parte das visitas. Quen non se alegraría de saber bós sitios para comer e de bó precio cando anda fóra do seu entorno? Pois aí tendes…

FIGUERAS = DALÍ

Efectivamente, Figueras supón case por completo, Dalí. A vila está impregnada de tan insigne artista. O museo, os desfiles de turistas de todo o mundo son razóns suficientes para tal afirmación. Pero hai máis? Claro que sí. Un exemplo a fortaleza Castelo de Sant Ferrán.

Unha fortificación que se conserva en moi bó  estado, construída desde 1753 é un impresionante baluarte á imaxe e semellanza dos construídos en Francia. Logo, como non, hai que visitar a magnífica exposición no Museo de Dalí.

Atopamos unha colección magnífica de toda a súa obra. Pintura, escultura, xoias… Son impresionantes as que van acompañadas de tecnoloxía, como movemento, efectos ópticos… Dalí nunca estivo á marxe de que acontecía ó seu redor, é máis sempre presenta a máis punteira innovación para ledicia do espectador. Logo tamén é importante ver o Museo do Ampurdán onde podemos admirar a pintura catalana do romanticismo, moderna e contemporánea.

Tamén unha magnífica exposición sobre a persoa de Narcís Monturiol. Un avanzado da súa época e incomprendido. Impresionoume o saber a parte máis sociolóxica de Narcís Monturiol, preocupado pola educación e o eido social. Unha visita necesaria…

Máis fotos: pulsa aquí.

BARCELONA: GÓTICO E MODERNISMO

Hoxe tocounos cidade: pura e dura. Digo dura polos máis de 18 kms. entre pé e zapato e pura porque Barcelona é de esas cidades que son o padigma de urbe. Primeiro fixemos un paseo polo barrio gótico. Incluímos a Catedral (sempre en obras), Santa María del Mar (de moda pola novela), e os múltiples palacetes que jalonan ese emblemático barrio barcelonés.

Paseamos polo Porto Olímpico, Maremagnum e Capitanía Marítima. Logo fixemos un pequeno descanso tomando un refrixerio nun bar detrás de correos, entre el carrer d’en Hostal del Sol e o carrer d’en Gignás.

Rematado o pequeno descanso subimos Vía Laietana e logo Portaferrisa e Ramblas para acceder a Praza Catalunya e comezar a ruta do Modernismo. Creo que esta ruta cos seus insuperables monumentos é única e exclusiva de Barcelona. Paseo de Gracia, Rambla Catalunya e Diagonal comprenden os principais monumentos modernistas. Total un día completo. Cansados, pero mañá será outro día.

Baixar Track aquí.

Ver máis foto aquí.

UNHA EXCURSIÓN POR CALELLA

Hoxe, domingo, decidimos facer unha excursión de senderismo polos montes que rodean Calella.

A intención era ver as Torretas de Calella, pero non pudo ser, pois o navegador conduciunos ben, pero os camiños que sinalaba non todos eran públicos. Pois aquí…. hai camiños privados!!! con prohibición de pasar os camiñantes.

Por fin, dando voltas e voltas logramos atopar a “Via Augusta Marítima” que nos levou bordeando montes cara Calella de volta. Foron case 12 kilómetros, pero agradables de paseo. Aínda que tiven que “apandar” cos reproches da acompañante, que non estaba polo labor, pero que acobou divertíndose coa aventura. Ou non?

Baixar Track aquí.

Ver máis fotos aquí.

GIRONA

Que beleza a cidade de Girona!… É unha ledicia pasear por as súas rúas. O barrio xudeo, a muralla, o casco antigo, a grande oferta museística e, sobre todo, que te atopas como na casa.  Impresionoume a Catedral. A nave máis ampla do mundo. Como se sostén? Eses arquitectos eran fantásticos… Ten un museo magnífico e moi ben explicado. O clautro… pega a pena perderse nel, lendo case toda a Biblia nos seus capiteis… Pero hai un museo do que gardo un persoal recordo: o museo do cine. Único! Se tendes ocasión non volo perdades… Logo o resto de museos teñen un valor impresionante: o da historia da cidade, o de Arte…

As casiñas á beira do río. A praza da independencia. Por moito que siga dicindo, non acabaría nunca de nombrar as marabillas que nos proporciona. Que grande descobremento Girona!… Voltarei, seguro. Queda moito por ver… e por pasear. Teño dor de pes pero estou contento de telo…

CALELLA DE MAR E ARENYS DE MAR

Son duas poblacións moi diferentes. Calella é unha vila totalmente turística que no seu día viviu do téxtil e agora case exclusivamente do turismo, pero é unha bonita vila con bós servicios, agradables paseos urbáns e polos seus parques exquisitamente coidados. Arenys, sen embargo é unha urbe dormitorio da próxima Barcelona, pero conserva unha beleza do Maresme que lle é propia. É tranquila e agradable para pasear.  O Hotel Amaika de Calella é unha opción moi aceptable.

VIAXE A BURELA

Parece mentira, tan cerca, e que descoñecida era para min. Alégrome de haber ido. Que boa xente en Burela! Así que alquilamos un autobús e alí nos presentamos 22 persoas de Vigo e 4 de Ourense.



Paseamos, cenamos cuns excelentes amigos, e recibimos o calor da amizade en doses King-size. Que sorte ter uns amigos coma estes....

Xa pola mañá do domingo nos dividimos en dous grupos: uns fomos a facer bici de montaña, da boa, da que non te esqueces por unha boa temporada. Percorrimos os montes de Burela e os seus lagos. Porque eran lagos, non si?. Algúns atravesámolos coas nosas bici-balsas, outros medio a nado... Mirade as fotos que poño ó final uns enlaces: non teñen desperdicio...


Outros foron a facer un percorrido polos arredores de Burela: Sargadelos, o Paseo dos namorados, S. Cibrao...

Todo un descobremento: mar, montaña, "lagos"... aquí non falta de nada. Ata un rico chocolate quente no avituallamento, ademáis das bebidas isotónicas, da froita e das consabidas barritas... Logo, unha comida conxunta de todos os asistentes e xa de volta, pasando antes pola praia das Catedrais: todo un monumento da natureza. Xa de volta para casa fomos rumiando nas nosas mentes a boa esperiencia que pasamos esta fin de semana. Quedaron gañas de repetir...

Máis fotos: aquí