Córdoba

A Córdoba chégase desde Málaga no AVE en 50 minutos. Non che da tempo a ler a prensa, e menos a ver a película que poñen, penso que para os que continúan para Madrid. Dice a guía que “Córdoba leva séculos namorando ó mundo enteiro só coa Mezquita, a xudería, os lenzos de Julio Romero de Torres, as esculturas romanas do Museo Arqueolóxico, os patios floridos, as tabernas onde corren ríos dourados de Montilla, as mañás fragantes nos xardíns alcazareños…”. Pero Córdoba é moito máis que iso. Basta dar un paseo por eses lugares que sinala a guía e polos seus alrededores e descubriremos rincóns (a praza e o calexón do Pañuelo, por exemplo) que nos obrigarán a deternos, mirar, admirar e imaxinar a dor que sentiron os Califas cando tiveron que deixar esta cidade. Recomendo Taberna Góngora na rúa Conde de Torres Cabrera, 4. Un bó montilla e pescaíto frito, brerenxenas… e infinidad de tapas que nos farán disfrutar dun ambiente puramente cordobés. Pedide, se teñen, cogollos á cordobesa.

Un día en Marbella

É reconfortante encontrarte con antigos amigos que seguen sendo “amigos actuais”. Ensináronnos Marbella. A das grandes e luxosas mansións. Innacesibles nas colinas de Marbella. Logo, o máis fermoso, pasear polo casco vello de Marbella. É delicioso ver as rúas típicas andaluzas dun pobo marítimo. O sol bañou os nosos corpos, así como a cervexa fresquiña e as tapas tomadas na terraza dunha plazoleta encantadora. A comida na terraza dun chiringuito. Ó sol. Mirando o mar. Conversa agradable coas nosas amigas. Un día delicioso. 

Decubrindo Málaga

Málaga é unha cidade que goza de moitas vantaxes: o clima, a xente, o amigable dos paseos pola vila… exquisitos lugares de tapeo… Calle Larios, Catedral, Alcazaba, Museo Picasso, Praza da Merced, Praza da Constitución, Pasaje Chinitas, Parque, a Malagueta, Xardín Botánico-histórico “La Concepción”… Tomar uns viños de Málaga nunha taberna á beira da Alameda (recomendo a Bodega Antigua Casa de Guardia en la Alameda Principal, número 18), ir de tapeo polas rúas da parte vella (imprescindible Taberna El Pimpi, na rúa Granada) e, sobre todo, pasear amodiño, disfrutando de cada rincón. Respirando fondo no parque e mirando ó lonxe, o mar Mediterráneo, por onde as ondas se alonxan cara África. Málaga é para disfrutala, para deixala como punto de encontro en máis dunha ocasión.

Serranía de Ronda

Hai que ver a beleza que nos deparan estes lugares! Iniciamos a subida pola Serra Bermeja chegando ó pobo de Casares. O pobo consiste nunha morea de casiñas brancas pegadas á montaña. As rúas dannos a impresión de estar en Argel ou algo similar. Impolutas, brancas e cheas frores. Despois de pasar uns miradores impresionantes desde os que se divisa o Peñón de Xibraltar e, mesmo, África. Logo de pasar por distintos pobos (Algatocín, Benadalid, Atajate, Jimera de Líbar e Benaján) e unhas inconmensurables atalayas con vistas de gran beleza, chegamos a Ronda. Fermosísima vila separada por un “tajo” dos mais fotografiados que eu coñezo. Un parque, praza de toros, varios museos e ruas estreitas e pequenas na parte máis medieval configuran esta vila que preside, con moito honor, a comarca. Quedounos por ver a Cova da Pileta, que creo que pega a pena, pero noutra ocasión…

IV MARCHA BTT DE NIGRÁN

  Hoxe foi un día de BTT. A ruta “durilla”, pero disfrutamos un montón: co bulleiro, os “regatos” e os sendeiros en medio de bosques de piñeiros e discurrindo á beira de ríos. Ó chegar ó final había que collernos con pinzas. As lavadoras están a 100. Éramos ó redor de 450 persoas “bicicleteando” polo monte. O monte é grande, pero case, case non cabíamos todos.

Información da ruta: AQUÍ.

Tendes fotos nestes enlaces:

Album Club Bicinenazas e tamén Album Racso e moitas, moitas, no Album de Santiago Oitavén

SAÍDA NOCTURNA

No foro activo de MTB Chichifu Bike atopei este vídeo… Atrevidos son, pero que envidia…

Salida MTB nocturna
por culoperro

A RUTA DO MAGOSTO EN OURENSE

Onte fixemos unha “quedada” 32 amantes da MTB en Ourense. Procedíamos de Vigo, Burela, Carballiño e Ourense. O día, aínda que ameazaba choiva, respetounos toda a xornada e foi excelente. A ruta e a paisaxe por esta ruta son impresionantes, pero o que mellor, a compañía de que disfrutabamos. Tanto é así que xa estamos coa mente pensando na seguinte. Pois a cousa non acabou así, pois despois da ruta fomos a repoñer forzas e desfacernos do bulleiro, imitando ós romanos, nas termas de Outariz. Non dabamos probado tódalos estanques, os chorros… auga quente, auga fría, caldarium…. se non fora porque nos mordía a fame, seguiríamos indefinadamente alí. Pero esperábanos unha boa comida (pulpo, empanada, churrasco, postre e castañas) regada con un excelente mencía en uns exquisitos chupitos en Casa Rial. Deixounos bó gusto Ourense… e sobre todo os amigos.

Podedes atopar máis información e fotos aquí.